გირჩის წევრმა ნიკა ქავთარაძემ, რომელიც საპარლამენტო არჩევნებში ზესტაფონის #52 მაჟორიტარულ ოლქში ბურჭულაძის ბლოკის სახელით იყრიდა კენჭს, ცენტრალურ საარჩევნო კომისიას კანდიდატურის მოხსნის განცხადებით დღეს მიმართა.

ნიკა ქავთარაძის გადაწყვეტილებას წინ უძღოდა გირჩსა და ბურჭულაძის ბლოკს შორის თანამშრომლობის შეწყვეტა.

27 სექტემბერს გირჩმა მოძრაობა სახელმწიფო ხალხისთვის დატოვა, პარტია არჩევნებში მონაწილეობას არ მიიღებს. ამას გარდა, პარტიის ლიდერმა ზურაბ ჯაფარიძემ განაცხადა, რომ ბურჭულაძე მას აშანტაჟებდა და მისგან ფულის გადახდას ითხოვდა, რომ გირჩის წევრები სიიდან არ ამოეღო. თავის მხრივ, პაატა ბურჭულაძემ განმარტა, რომ გირჩს ბიძინა ივანიშვილი აფინანსებდა.