დღეს, 20 ივნისს მართლმადიდებლობის საპარლამენტთაშორისო ასამბლეის წევრი და რუსი დეპუტატი, სერგეი გავრილოვი პარლამენტის თავმჯდომარის სავარძელზე დაჯდა. ამასთან დაკავშირებით, საპროტესტო აქციები თბილისის ცენტრში ამ წუთებში მიმდინარეობს. თუმცა, თბილისში და საქართველოს სხვა ქალაქებში, ამ დღეებში კიდევ რამდენიმე აქციაა დაგეგმილი. ჩვენ გაგაცნობთ თუ სად რა შინაარსის აქციები იმართება და ვის მიერ არის ისინი ორგანიზებული.

თბილისი

პოლიტიკური პარტია გირჩის აქცია

• ადგილმდებარეობა: საქართველოს საპატრიარქო
• დრო: 20 ივნისი, 18:00 საათი

"20 ივნისს, 18:00 საათზე, გირჩის წევრები საპატრიარქოსთან შევიკრიბებით. აქციის მთავარი მიზანი იმის ჩვენება იქნება, რომ რუსეთი საკუთარ ინტერესებს საქართველოში საპატრიარქოს გავლით ატარებს."

სამოქალაქო საზოგადოების აქცია "თავისუფლებისთვის — For Freedom and რუსეთი ოკუპანტია" — სირცხვილია!

• ადგილმდებარეობა: საქართველოს პარლამენტის შენობა
• დრო: 20 ივნისი, 19:00 საათი

"რუსი დეპუტატი საქართველოს პარლამენტში სხდომას უძღვება. საჭიროა დროული და დაუყოვნებლივი წნეხი. ვაიძულოთ, რომ შეწყვიტონ და მსგავსი რამ აღარ განმეორდეს. ამიტომ, გამოდი პარლამენტთან დღეს, 19:00 საათზე! წამოიღეთ სასტვენები, პლაკატები, დროშები."

ბათუმი

სირცხვილია! (ბათუმი)

• ადგილმდებარეობა: ბათუმი, ევროპის (ერას მოედანი)
• დრო: 20 ივნისი, 19:00 საათი

"მეგობრებო, ქვეყანაში იმყოფებიან რუსი დეპუტატი გავრილოვი და კიდევ რამოდენიმე ფიგურა რუსული პოლიტიკიდან, როგორც ოკუპანტი ქვეყნის წარმომადგენლები, ისინი არ უნდა იმყოფებოდნენ არათუ პარლამენტში, არამედ ქვეყნის ტერიტორიაზეც კი. ნებისმიერი პატრიოტი მოქალაქის ვალია, დღეს ევროპის (ერას) მოედანზე შემოუერთდეს მშვიდობიან აქციას რუსული ღია თუ ფარული ოკუპაციის წინაწინააღმდეგ. გელით საღამოს 7 საათზე. დავდგეთ ერთად, ვისთვისაც მნიშვნელოვანია ქვეყნის მომავალი!"

ქუთაისი

არა რუსეთს

• ადგილმდებარეობა: ქუთაისი, მესხიშვილის თეატრი
• დრო: 19:00 საათი

"მეგობრებო არ ვჩერდებით, არ ვაპირებთ გაჩერებას, ყველას მოგიწოდებთ ვისთვისაც კი ღირებულია ეს ქვეყანა, ვინც ცდილობს ქვეყნის ღირებულებების დაცვას, ყველამ უნდა გააიგივოს, რომ რუსეთი არის ოკუპანტი და ოკუპანტების ადგილი არ არის ჩვენი ქვეყნის მთავარ საკანონდებლო ორგანოში. დავანახოთ რუსეთს, რომ ისინი არიან ოკუპანტები და ჩვენ ვგმობთ რუსეთის ოკუპაციას."

თელავი

სირცხვილია! (თელავი)

• ადგილმდებარეობა: თელავი, ერეკლე მეორის მოედანი (ძეგლთან)
• დრო: 20 ივნისი, 18:00

"მეგობრებო, ქვეყანაში იმყოფებიან რუსი დეპუტატები გავრილოვის მეთაურობით, რამოდენიმე ფიგურა რუსული პოლიტიკიდან, როგორც ოკუპანტი ქვეყნის წარმომადგენლები, ისინი არ უნდა იმყოფებოდნენ არათუ პარლამენტში, არამედ ქვეყნის ტერიტორიაზეც კი.
დღეს, თელავში, ერეკლე მეორის მოედანზე, ძეგლთან (ბურჯთან) გელით საღამოს 6 საათზე ვისაც გაქვთ დრო და თვლით, რომ უნდა მიიღოთ ამ აქციაში მონაწილეობა!"