პარლამენტის დეპუტატი ემზარ კვიციანი ამბობს, რომ რუსი დეპუტატი სერგეი გავრილოვი პროქართველია. ამის შესახებ მან ჟურნალისტებთან საუბრის დროს თქვა.

"მე მივუარდი გავრილოვს, შენ აფხაზეთში ნამყოფი ხარ-მეთქი. რაის, აფხაზეთში არ ვარ ნამყოფი კონფლიქტის მერეო. მე მშობლები მყავს აქ თბილისში დასაფლავებულიო. საქართველო ჩემი საბშობლო არისო. ხო ხედავთ, სად დაარტყეს შეგნებულად. გავრილოვი არის პროქართველი", — განაცხადა ემზარ კვიციანმა.

დეპუტატის თქმით, მას გავრილოვმა უთხრა, რომ ოკუპირებული ტერიტორიები დამოუკიდებელ სახელმწიფოებად არ უღიარებია. სინამდვილეში კი გავრილოვი აფხაზეთისა და ცხინვალის რეგიონის დამოუკიდებლობის მხარდამჭერი იყო. სვებპორტალ Damoukidebloba.com-ის ინფორმაციით, დეპუტატი სერგეი გავრილოვი, ასევე, მონაწილეობდა კენჭისყრაში და მას ხმა აქვს მიცემული აფხაზეთისა და ცხივალის რეგიონის დამოუკიდებლობელ ქვეყნებად აღიარებაზე.

მართლმადიდებელი საპარლამენტთაშორისო ასამბლეის ფარგლებში რუსი დეპუტატები საქართველოს პარლამენტში იყვნენ. დღეს, 20 ივნისს ასამბლეის წევრი, სერგეი გავრილოვი პარლამენტში, ირაკლი კობახიძის სავარძელზე დაჯდა. ეს ფაქტი გააპროტესტა ვიცე-სპიკერმა თამარ ჩუგოშვილმა და პრეზიდენტმა სალომე ზურაბიშვილმა. თავდაპირველად, უმრავლესობის წევრმა, ზაქარია ქუცნაშვილმა თქვა, რომ "სადღაც რუსს რომ დავინახავთ, არ უნდა გავნადგურდეთ", მოგვიანებით კი განმარტა, რომ "თუ საჭიროა, პოლიტიკურ პასუხისმგებლობას აიღებს".