ეროვნული ბიბლიოთეკის მოძრაობა ეკვილიბრიუმი დუშეთის მუნიციპალიტეტის სოფელ დავათის ბიბლიოთეკას ესტუმრა და წიგნები გადასცა საჩუქრად.

"დავათი ულამაზესი სოფელია, დუშეთის მთიანეთში — თითქოს მივიწყებული და მომწყდარი, მაგრამ მაინც ცოცხალი და იმედიანი. დავათის ბიბლიოთეკაში ახალი წიგნები ავიტანეთ. შემდეგი გაჩერება იქნება ხობი", — აცხადებს ეროვნული ბიბლიოთეკის დირექტორი გიორგი კეკელიძე.

მოძრაობა ეკვილიბრიუმი უახლოეს მომავალში საქართველოს სხვადასხვა რეგიონში არაერთი სოფლის ბიბლიოთეკის წიგნადი ფონდის განახლებას გეგმავს.

ფოტო: ეროვნული ბიბლიოთეკა