თავდაცვის სამინისტრო ავრცელებს წერილებს, რომლებიც უმცროსკლასელებმა ბაგრამის საავიაციო ბაზაზე მყოფ ჯარისკაცებს მისწერეს. ბავშვები მადლობას უხდიან მათ მსახურებისთვის და ავღანელ ბავშვებზე ზრუნვისთვის. ისინი წერენ, რომ ჯარისკაცების იმედი აქვთ და სამშობლოში ჯანმრთელად და მშვიდობით დაბრუნებას უსურვებენ.

"წერილი ქართველ ავღანელ ჯარისკაცზე"
გამარჯობა ჯარის კაცო როგორ ხარ მე ლიზა კახიძე ვარ. გწერთ წერილს მინდა თქვენი გაცნობა რომ გითხრათ მადლობა რომ ზრუნავთ ჩემს თანატოლ ავღანელ ბავშვებზე მათ უსაფრთხოებაზე და მათ ნათელ მომავალზე. [სტილი დაცულია]

ფოტო: კადრი ვიდეოდან / თავდაცვის სამინისტრო

გამარჯობა!
როგორ ხართ? იმედი მაქ ყველაფერი კარგად გაქვთ. გისურვებთ ჯანმრთელობას და სიმდიდრეს. ჩვენ თქვენი იმედი გვაქვთ.

ფოტო: კადრი ვიდეოდან / თავდაცვის სამინისტრო

მოსწავლეების წერილები სხვადასხვანაირად არის გაფორმებული.

ფოტო: თავდაცვის სამინისტრო

საპასუხო წერილები ჯარისკაცებმაც დაწერეს. მათი თქმით, ბავშვების სიტყვები დიდი სტიმულია და ძალიან ამაყობენ, რომ ასეთი მომავალი აქვთ, რომელიც მათზე ფიქრობს.

წერილი ჯარისკაცებს საქართველოს თავდაცვის, იუსტიციის და განათლებისა და მეცნიერების სამინისტროების ერთობლივი პროექტია, რომელსაც დანაშაულის პრევენციის ცენტრი სტუდენტებთან ერთად 2012 წლიდან ახორციელებს. პროექტის მიზანი სამშობლოდან შორს მყოფი მებრძოლებისათვის თანადგომისა და მხარდაჭერის გამოხატვაა.