დღეს ნიკო ფიროსმანის შედევრს შველი წყლის პირას ფონდი ქართუ საქართველოს ეროვნულ მუზეუმს გადასცემს საჩუქრად.

ნახატის გადაცემის ცერემონია 18:00 საათზე დიმიტრი შევარდნაძის სახელობის ეროვნულ გალერეაში გაიმართება.

შველი წყლის პირას ციციშვილი-გედევანიშვილის ოჯახში 1949 წლიდან 2011 წლამდე ინახებოდა. ის არასდროს ყოფილა გამოფენილიფართო საზოგადოების წინაშე.

2011 წელს სურათი Sotheby's აუქციონზე გაიყიდა. შველი წყლის პირას იმავე აუქციონზე მეორედ 2016 წელს გამოიტანეს გასაყიდად. ნამუშევარი ბიძინა ივანიშვილმა შეიძინა და ეროვნულ მუზეუმს საჩუქრად გადასცა.

სურათი საქართველოს ეროვნული მუზეუმის ნიკო ფიროსმანის ნამუშევრების ყველაზე დიდ კოლექციას შეუერთდება.