შინაგან საქმეთა სამინისტროს განცხადებით, ბორჯომში დაკარგული ორი არასრულწლოვანი გოგო ზესტაფონში იპოვეს. უწყების თქმით, მოზარდების ჯანმრთელობას საფრთხე არ ემუქრება და ისინი გვიან ღამით მშობლებთან დააბრუნეს.

ბორჯომში ორი გოგო ძებნა გუშინ, 6 ივნისს დაიწყეს. ადგილობრივი ტელეკომპანია TV ბორჯომის ინფორმაციით, ისინი დილით სახლიდან გავიდნენ, თუმცა სკოლაში არ მისულან. გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.