ლილოში, ე.წ. ჩინელების ბაზარში ხანძარი ლოკალიზებულია. საგანგებო სიტუაციების მართვის სამსახურის ინფორმაციით, მიმდინარეობს ხანძრის სალიკვიდაციო სამუშაოები.

მათივე ცნობით, წინასწარი ინფორმაციით, დამწვარია ათასი კვადრატული მეტრი. შემთხვევის ადგილზე 17 სახანძრო ჯგუფი მუშაობს. ხანძრის გამომწვევი მიზეზი უცნობია. შემთხვევის შედეგად არავინ დაშავებულა.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 187-ე მუხლის მეორე ნაწილით დაიწყო, რაც ცეცხლის მოკიდებით სხვისი ნივთის დაზიანებას ან განადგურებას გულისხმობს.