ასპინძაში, სარო-ხიზაბავრის დამაკავშირებელ გზაზე მომხდარ ავარიას ახალგაზრდა კაცი ემსხვერპლა. შინაგან საქმეთა სამინისტროში On.ge-ს უთხრეს, რომ დაშავდა მანქანაში მყოფი კიდევ ერთი ადამიანი, რომელიც საავადმყოფოშია გადაყვანილი.

გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.