თბილისი პრაიდი ღირსების მარშის გამართვამდე საზოგადოებაში ცნობიერების ამაღლების მიზნით კიდევ ერთ ვიდეოს აქვეყნებს. ვიდეოში პრაიდის მნიშვნელობაზე და მის აუცილებლობაზეა საუბარი.

ვიდეორგოლში აღნიშნულია, რომ საქართველოში ლგბტქ თემის წევრებს დღემდე არ შეუძლიათ ქუჩაში ხელი-ხელ ჩაკიდებულებმა იარონ, სოციალურ ქსელებში ატვირთონ საყვარელ ადამიანთან გადაღებული ფოტოები, ჰქონდეთ საკუთარ გენდერულ იდენტობასთან შესაბამისი პასპორტი ან დაქორწიდნენ.

"ლგბტქ ადამიანები ხშირად არიან აგრესიის, ზიზღისა და ძალადობის ობიექტები. ლგბტქ ადამიანები საკუთარ პირად ცხოვრებას თუ პარტნიორებს მუდმივად უმალავენ ოჯახს, თითქოს ამაში რამე სამარცხვინო იყოს", — აღნიშნულია ვიდეოში.

ვიდეოში საუბარია იმაზე, რომ სწორედ ამ პრობლემების მოსაგვარებლად, ლგბტქ ადამიანები იბრძვიან საკუთარი უფლებებისთვის და ატარებენ დემონსტრაციებს, იგივე პრაიდებს. ვიდეოში ნათქვამია, რომ პრაიდის ჩატარება 1977 წელს შვედეთის დედაქალაქ სტოკჰოლში დაიწყო. დღეს კი სტოკჰოლმის პრაიდში 500 ათასი ადამიანი მონაწილეობს და ის ანგარიშგასაწევი ძალაა. პრაიდში მონაწილეთა 40 პროცენტი ჰეტეროსექსუალია. ისინი გამოდიან, რათა მხარი დაუჭირონ ლგბტქ მეგობრებსა და ადამიანებს, რომლებიც ამ ნიშნით იჩაგრებიან. მსვლელობის ყველაზე დიდი კოლონაა "ამაყი მშობლები". ამ კოლონაში გაერთიანებული არიან ლგბტქ ადამიანების მშობლები.

პრაიდები ტარდება აღმოსავლეთ ევროპაშიცდ (პოლონეთი, უკრაინა, მოლდოვა), წელს კი პირველად ჩატარდება საქართველოში. აღმოსავლეთ ევროპაში გამართულ პრაიდებს ნაკლებად აქვთ საზეიმო განწყობა. ის ხილვადობის გაზრდისა და უფლებებისთვის ბრძოლის ერთ-ერთი მნიშვნელოვანი ინსტრუმენტია.

"პრაიდი არის იმედი მოზარდებისთვის და იმ ლგბტქ ადამიანებისთვის, რომლებიც ორიენტაციას და გენდერულ იდენტობას მალავენ, რომლებიც ჯერ ვერ იბრძვიან საკუთარი უფლებებისთვის", — ნათქვამია ვიდეოში.

პრაიდებს მთელი მსოფლიოს გარშემო უერთდებიან ადამიანები მათი რელიგიის, კანის ფერის, საქმიანობის, თმისა თუ თვალის ფერისა. მიუხედავად იმისა, არიან ქალაქიდან თუ სოფლიდან, არიან ლექორები თუ სპორტსმენები, რადგან პრაიდი არ ეხება მხოლოდ სექსუალურ ორიენტაციას და გენდერულ იდენტობას, პრაიდი ეხება ადამიანის უფლებებს.

საქართველოში თბილისი პრაიდის კვირეული 18-დან 23 ივნისამდე გაიმართება. კვირეული ღირსების მარშით დასრულდება.