გემახსოვრებათ უდიდესი ჯგუფი Nirvana და მით უმეტეს მათი ალბომი - Nevermind, რომელიც უკვე თავის 25-ე წლისთავის აღნიშნავს.

რა თქმა უნდა, ამ თარიღს ყველა თავისებურად აღნიშნავს, განსაკუთრებით კი სპენსერ ილდენი, რომელიც ამ ალბომის ერთ-ერთ სავიზიტო ბარათად იქცა.

ალბომის თავდაპირველი დასახელება იყო ცხვრები, რომელიც თავად კურტ კობეინმა მოიფიქრა. ეს იყო ხუმრობა, იმ ადამიანების მიმართ, რომლებიც ალბომის პოტენციური მყიდველები იქნებოდნენ , კურტმა სლოგანიც კი მოიფიქრა, რომელიც დღიურში ჩაინიშნა: "არა იმიტომ რომ ეს გინდა შენ, არამედ იმიტომ რომ უნდათ სხვებსაც".

თუმცა მოგვიანებით სახელიც და სლოგანიც შეიცვალა. ალბომის ყდის ავტორი ფოტოგრაფი რობერტ ფიშერია, ხოლო გარეკანზე გამოსახული ჩვილი ბავშვი, ფიშერის მეგობრის შვილი სპენსერია, რომელიც აუზში კაუჭზე გამობმული ერთ დოლარიანის ფონზე ცურავს.

25 წლის შემდეგ სპენსერმა ალბომის იუბილესთან დაკავშირებით ფოტოსესია გაიმეორა, "მე მინდოდა ამ შემთხვევაშიც სრულიად შიშველი ვყოფილიყავი, თუმცა ფოტოგრაფი უარზე იყო, ამიტომაც ფოტოზე საცურაო კოსტუმი მაცვია, არადა როგორია როდესაც ყველაზე პოპულარული პენისი გაქვს მუსიკის ინდუსტრიაში?!" თქვა ინტერვიუში ილდენმა.

ფოტო: Geffen Records

აღსანიშნავია, რომ აუზში ფოტოები თავად ნირვანას წევრებსაც აქვთ გადაღებულ.

ფოტო: modernrocksgallery

"ფოტოს გადაღებების დროს მხოლოდ 4 თვის ვიყავი და ვერავინ წარმოიდგენდა რომ ასეთი პოპულარული გახდებოდა ის. სამწუხაროდ მე არასდროს შევხვედრივარ ნირვანას წევრებს" ამბობს სპენსერი.