დღეს 30 მაისს ეროვნულმა ვალუტამ გაუფასურების ახალი რეკორდი მოხსნა. ეროვნული ბანკის კურსით, 31 მაისს ერთი დოლარის ღირებულება 2,8023 ლარი იქნება, ხოლო ერთი ევროს ფასი კი 3,1209 ლარი. 30 მაისს ლარი დოლართან მიმართებაში 2,6 თეთრით გაუფასურდა, ხოლო ევროსთან მიმართებაში კი 2,7 თეთრით გამყარდა.

ეროვნული ვალუტის ისტორიაში დოლართან მიმართებაში გაუფასურების რეკორდი გუშინ, 29 მაისს დაფიქსირდა, ეროვნული ბანკის კურსით ერთი დოლარის ღირებულება 2,7997 ლარი იყო. ბოლო სამი დღის განმავლობაში ლარი დოლართან მიმართებაში გაუფასურების რეკორდებს ამყარებს.

2019 წლის 29 მაისამდე ყველაზე დაბალი მაჩვენებელი 2016 წლის 22 დეკემბერს დაფიქსირდა მაშინ, ერთი დოლარს ღირებულება 2,7845 ლარი იყო. ბოლო თვის განმავლობაში ეროვნული ვალუტა ყველა ძირითად პარტნიორ ვალუტასთან მიმართებაში თითქმის ყოველდღიურად უფასურდება.