საზეიმო მიღება, რომელსაც მინისტრები, თბილისის მერი და თსუ-ს ხელმძღვანელები პირველკურსელთათვის თბილისის სახელმწიფო უნივერსიტეტში მართავდნენ, აუდიტორია 115-მა ჩაშალა.

მაშინ, როცა სტუდენტებისთვის ოფიციალურ პირებს უნდა მიემართათ, კიბეებზე მოწყობილ სცენაზე აიჭრნენ სტუდენტები, რომლებიც სკანდირებენ "ავტონომია უნივერსიტეტს".

თანამდებობის პირები თსუ-ში რამდენიმე წუთით ადრე, სანამ მათ ადგილს სტუდენტები დაიკავებდნენ. თბილისი, 26 სექტემბერი, 2016.

ფოტო: On.ge/გვანცა ნემსაძე

ოფიციალური პირები თსუ-ს კიბეებზე მას შემდეგ, რაც მათი ადგილი აუდიტორია 115-მა დაიკავა.

ფოტო: On.ge/გვანცა ნემსაძე

სცენაზე მყოფი ოფიციალურ პირებსა და სტუდენტებს შორის ამ წუთებში დაცვის სამსახური დგას, პირველკურსელებს კი აუდიტორია 115-ის წევრები მიმართავენ. ადგილზე იმყოფებიან განათლების მინისტრი ალექსანდრე ჯეჯელავა, ეკონომიკის მინისტრი დიმიტრი ქუმსიშვილი, თბილისის მერი დავით ნარმანია, ფინანსთა მინისტრი ნოდარ ხადური, ასევე თსუ-ს ახალი რექტორი გიორგი შარვაშიძე.