შინაგან საქმეთა სამინისტროს ინფორმაციით, ცრუ ჩვენების მიცემის ბრალდებით თბილისსა და წალკაში სამი პირი დააკავეს. უწყების განცხადებით, მათ ცრუ ჩვენება მისცეს იმ პირთა სასამართლოზე, რომლებსაც ე.წ. ქურდული სამყაროს წევრობაში, ქურდულ შეკრებაში მონაწილეობასა და ქურდული სამყაროს მხარდაჭერაში ედებოდათ ბრალი.

საქმეზე გამოძიება სისხლის სამართლის კოდექსის 370-ე მუხლის მე-3 ნაწილით მიმდინარეობს. ამ მუხლით გათვალისწინებული დანაშაული 3-დან 7 წლამდე ვადით თავისუფლების აღკვეთას ითვალისწინებს.