როცა Pulp Fiction-ის პრემიერა შედგა, კვენტინ ტარანტინომ კანის კინოფესტივალი შტურმით აიღო. 25 წლის შემდეგ, ახალი ფილმის, Once Upon a Time in Hollywood, პრემიერის დასრულების შემდეგ, რეჟისორს აუდიტორია ფეხზე წამოუდგა და 6 წუთის განმავლობაში უკრავდა ტაშს. და როგორც Variety წერს, ტარანტინო მიღებული ყურადღებით ბედნიერი ჩანდა.

ეს ერთ-ერთი ყველაზე ხანგრძლივი ოვაცია იყო კანის ისტორიაში, თუმცა, ამ შთაბეჭდილებას არაფრით ჩამოუვარდებოდა ის, რომ წითელ ხალიჩაზე გვერდიგვერდ იდგნენ ლეონარდო დიკაპრიო და ბრედ პიტი.

მათთან ერთად გაიბრწყინა შეუდარებელმა მარგო რობიმ.

ბრედ პიტი, ლეონარდო დიკაპრიო და მარგო რობი კანის კინოფესტივალზე. 22 მაისი, 2019.

ფოტო: Getty Images

ერთხელ ჰოლივუდში ფართო აუდიტორიისთვის 26 ივლისს გამოდის. კანის პრემიერის პარალელურად კი, Columbia Pictures-მა ფილმის ახალი ტრეილერი გამოაქვეყნა.