სასექსის ჰერცოგისა და ჰერცოგინიას ქორწილიდან ერთი წლის თავზე მათ ინსტაგრამზე ვიდეო გამოქვეყნდა, რომელშიც სამეფო ცერემონიის დროს გადაღებულ 14 უცნობ ფოტოს ვნახულობთ.

ფოტო-მონტაჟს თან ერთვის სიმღერა, This Little Light Of Mine, რომელიც 2018 წლის 19 მაისს, წყვილის ჯვრისწერის დასრულების დროსაც იყო ჩართული ეკლესიაში.

"მადლობა სიყვარულისთვის და მხარდაჭერისთვის, ეს დღე თითოეულმა თქვენგანმა კიდევ უფრო მნიშვნელოვნად აქციეთ", — წერია მათ მესიჯში.

მეგან მარკლმა და პრინცმა ჰარიმ 2018 წლის 19 მაისს საჯაროდ იქორწინეს. დაახლოებით ერთი წლის შემდეგ, მათ შვილი შეეძინათ — არჩი ჰარისონ მაუნტბატენ-უინძორი.