საქართველოს აეროპორტების გაერთიანების გენერალური დირექტორის, გიორგი ჩოგოვაძის განცხადებით, კომპანია Ryanair-თან მოლაპარაკებები, ფაქტობრივად, დასრულებულია და ხელშეკრულება უახლოეს მომავალში გაფორმდება. ინფორმაციას საზოგადოებრივი მაუწყებელი ავრცელებს.

ჩოგოვაძის თქმით, მიმდინარეობს მოლაპარაკებები, რომ კომპანიამ საერთაშორისო მიმართულებებზე რეისები თბილისიდან და ქუთაისიდან შეასრულოს.

"პრემიერ-მინისტრის დავალებით, რაინეართან დავიწყეთ მოლაპარაკების ახალი ეტაპი. ეს მოლაპარაკებები, ფაქტობრივად, დასრულებულია და უახლოეს მომავალში ალბათ ხელშეკრულებასაც გავაფორმებთ. თუმცა, ამ ეტაპზე წინასწარ საუბარი მიზანშეწონილად არ მიმაჩნია", — თქვა ჩოგოვაძემ.