გუშინ, 15 მაისს Republic-ში კომპანია გალფმა მისი განახლებული საწვავის პრეზენტაცია გამართა. G-Force-ის უნიკალური დანამატი Green Booster საწვავს უფრო ეკომეგობრულს ხდის. მისი ტექნოლოგიური ფორმულა მნიშვნელოვნად ამცირებს მავნე ნივთიერებების გამოყოფას ჰაერში. მავნე კომპონენტების ემისია მცირდება 40 პროცენტით. ბენზინსა და დიზელში მკვეთრად მცირდება ბენზოლისა და არომატული ნახშირწყალბადების მოცულობითი წილი, სწორედ ეს კომპონენტები განსაზღვრავს საწვავში ეკოლოგიურობის ფაქტორს.

ჩვეულებრივი საწვავისგან განსხვავებით G-Force ზრდის განვლილ მანძილს, შესაბამისად ამცირებს ხარჯს საწვავზე. საწვავის მოხმარება მცირდება 4,7 პროცენტით. საწვავში არსებული სპეციალური ტექნოლოგია ეფექტურად ასუფთავებს ძრავს ნადებისგან 79 პროცენტით და ამცირებს ცვეთას.

საერთაშორისო ლაბორატორია SGS-მა გამოიკვლია განახლებული G-Force-ის პრემიუმისა და ევრო დიზელის ტიპის საწვავები, სადაც დადგინა, რომ საწვავი სრულად შეესაბამება საქართველოს კანონმდებლობით და ევროპის სტანდარტით დადგენილ ნორმებს.