საერთაშორისო გამჭვირვალობა საქართველო ბოლო პერიოდში სხვადასხვა მუნიციპალური თვითმმართველობის მიერ მოქალაქეებისთვის ინფრასტრუქტურული პროექტების შესახებ შეტყობინებების გაგზავნას ეხმაურება და განმარტავს, რომ წინასაარჩევნო პერიოდში ასეთი გააქტიურება კითხვებს რამდენიმე მიმართულებით აჩენს:

"მიუხედავად იმისა, რომ აღნიშნულ მოკლე ტექსტურ შეტყობინებებში არ არის მოწოდება მმართველი პარტიის სასარგებლოდ, ცხადია, რომ მოქმედი ხელისუფლების მიერ განხორციელებულ პროექტებზე ირიბად საუბარი ადმინისტრაციული რესურსის გამოყენების ნიშნებს მაინც შეიცავს, მით უმეტეს, რომ მუნიციპალიტეტების უმრავლესობაში მსგავსი სერვისის გამოყენება მხოლოდ ახლა, წინასაარჩევნო პერიოდის დასასრულს დაიწყეს".

TI ამბობს, რომ კითხვის ნიშნებს იწვევს თავად ამ შეტყობინების მიმღებთა პერსონალური ინფორმაციის ხელშეუხებლობაც:

"მუნიციპალიტეტებს არ განუმარტავთ, რა წყაროებით მოიპოვეს კონკრეტულ მუნიციპალიტეტში დარეგისტრირებული პირების პირადი სატელეფონო ნომრები".

ორგანიზაცია მოუწოდებს მუნიციპალიტეტებს , არ გამოიყენონ მათ ტერიტორიაზე რეგისტრირებული ამომრჩევლების პირადი მონაცემები იმგვარად, რომ ამან შეიძლება გააჩინოს ეჭვები საარჩევნო მიზნით ადმინისტრაციული. ამასთან, TI მიმართავს პერსონალური მონაცემების დაცვის ინსპექტორს, გამოიკვლიოს, როგორ მოიპოვეს მუნიციპალიტეტებმა, მოქალაქეთა სახელზე რეგისტრირებული სატელეფონო ნომრები.