ბათუმის საქალაქო სასამართლომ არ გაიზიარა აჭარის საზოგადოებრივი მაუწყებლის გადაყენებული დირექტორის, ნათია კაპანაძის შუამდგომლობა და დირექტორის შესარჩევი კონკურსი არ შეაჩერა. ამის შესახებ ინფორმაცია On.ge-ს საქართველოს ახალგაზრდა იურისტთა ასოციაციამ მიაწოდა. სწორედ ეს ორგანიზაცია იცავს კაპანაძის ინტერესებს.

საიას იურისტის, მარიამ გოგოსაშვილის თქმით, ბათუმის საქალაქო სასამართლომ არ გაითვალისწინა აქამდე არსებული პრაქტიკა, რომელიც საზოგადოებრივი მაუწყებლის გენერალური დირექტორის შუამდგომლობით რამდენიმე წლის წინ შეიქმნა. მაშინდელი გადაყენებული დირექტორის იდენტურ მოთხოვნას თბილისის საქალაქო სასამართლო დათანხმდა.

გოგოსაშვილი აღნიშნავს, რომ სასამართლომ განჩინების სამოტივაციო ნაწილში აღნიშნა, რომ კონკურსის გამოცხადებას საჯარო ინტერესი, დირექტორის შერჩევა აქვს. გარდა ამისა, მოსამართლემ მიიჩნია, რომ იმ იმპიჩმენტის გამომცხადებელი მრჩევლების პირობებში კაპანაძეს კონკურსში მონაწილეობა შეუძლია. საიაში ამ არგუმენტებს არ იზიარებენ და განჩინების გასაჩივრებას არ გამორიცხავენ.

საზოგადობრივი მაუწყებლის აჭარის ტელევიზიის დირექტორის თანამდებობიდან გათავისუფლება, ნათია კაპანაძემ ბათუმის საქალაქო სასამართლოს 30 აპრილს მიმართა. ის ასაჩივრებს არხის მრჩეველთა საბჭოს 19 აპრილის იმ გადაწყვეტილებას, რომლითაც მას იმპიჩმენტი გამოუცხადეს.

ამავე თემაზე: