Star Wars-ის ფრენჩაიზში ვუკის რასის მეომრის, ჩუბაკას როლის შემსრულებელი მსახიობი პიტერ მეიჰიუ 74 წლის ასაკში გარდაიცვალა. ის ვარსკვლავური ომების ფილმებში 1977 წლიდან 2015 წლამდე თამაშობდა.

პიტერ მეიჰიუს სიმაღლე 2,18 მეტრი იყო. სწორედ ეს იყო ერთ-ერთი მთავარი ნიშანი, რომლითაც ვარსკვლავური ომების რეჟისორმა ჯორჯ ლუკასმა ჰოლივუდის ერთ-ერთი ყველაზე მაღალი მსახიობი ფილმისთვის შეარჩია.

"მან ჩუბაკას როლში თავისი სული ჩადო", - განაცხადა გარდაცვლილის ოჯახმა.

ფოტო: Lucasfilm

მსახიობს გამოსამშვიდობებელი სიტყვა მიუძღვნა ჰარისონ ფორდმაც:

"ჩვენ პარტნიორები ვიყავით ფილმში და მეგობრები ცხოვრებაში. პიტერი კეთილი და თავაზიანი კაცი იყო და მე ის მიყვარდა".

ფოტო: Lucasfilm

პიტერ მეიჰიუ 30 აპრილს, ტეხასში, თავისი ოჯახის გარემოცვაში გარდაიცვალა.