საგანგებო სიტუაციების მართვის სამსახურის განცხადებით, უშუქობის გამო ქუთაისის ე.წ. ეშმაკის ბორბალსა და საბაგიროზე 20-მდე არასრულწლოვანი და 5 ზრდასრული გაიჭედა. უწყების განმარტებით, შემთხვევის შედეგად არავინ დაშავებულა.

დღეს, 2 მაისს საქართველოს დიდ ნაწილს ელექტროენერგია არ მიეწოდებოდა. On.ge-ს ინფორმაციით, დენი არ მიეწოდება თბილისის დიდ ნაწილს, თითქმის მთელ დასავლეთ საქართველოსა და აღმოსავლეთ საქართველოს ნაწილს.

საქართველოს სახელმწიფო ელექტროსისტემის ინფორმაციით, დღეს 18:11 საათზე ავარიულად გამოირთო 500 კვ-იანი ელექტროგადამცემი ხაზი "იმერეთი". მათივე ცნობით, ამ დროისთვის ავარიის ლიკვიდაცია მიმდინარეობს.