მხევლები ბრძოლისთვის ემზადებიან. Hulu-ს მიერ გამოქვეყნებული მესამე სეზონის ტრეილერი სწორედ მოსალოდნელ რევოლუციაზე მიგვანიშნებს.

ელიზაბეტ მოსის მიერ განსახიერებული ოფრედი/ჯუნი კვლავ მხევლის ტრადიციულ წითელ მოსასხამსა და თეთრ ქუდში გვევლინება, თუმცა ის უკვე მზადაა რომ გილიედიში გამეფებული პატრიარქატი და ტირანია დაამხოს.

"ამისთვის ვისჯებით. არ ვართ წინააღმდეგობის ნაწილი, რადგან, ოფიციალურად წინააღმდეგობა არ არსებობს. არ ვეხმარებით ადამიანებს გაქცევაში, რადგან გაქცევაზე არაფერი გვსმენია", - ამბობს ოფრედი ტრეილერში და დასძენს, რომ ის უსამართლობას მარტო ვერ შეცვლის და ძლიერი მხარდამჭერები სჭირდება.

ემის მფლობელი სერიალი ეკრანებზე 5 ივნისს დაბრუნდება.