პარლამენტში ფრაქცია ქართული ოცნების თავმჯდომარის, მამუკა ბახტაძის თქმით, ლევან კობერიძე, რომელმაც უმრავლესობა დატოვა, ბოლო პერიოდში ფრაქციის რიგებში ფორმალურად ირიცხებოდა.

"ის ამ საკითხებთან დაკავშირებით სხვა პოზიციას გამოხატავდა და ძალიან სამწუხაროა ლევანისგან, რომ მანაც გადაწყვიტა სასამართლოს თემასთან დაკავშირებით გაეკეთებინა ასეთი განცხადება", — აღნიშნა მდინარაძემ.

დეპუტატმა ლევან კობერიძემ საპარლამენტო უმრავლესობა დატოვა. ამის შესახებ მან საქართველოს პარლამენტში განაცხადა.

მისი განმარტებით, გადაწყვეტილების მიღების მიზეზი მოსამართლეების შესახებ კანონპროექტის მიღება გახდა. მისივე თქმით, საქმიანობას დამოუკიდებელი დეპუტატის რანგში გააგრძელებს.

ლევან კობერიძე იყო დეპუტატი, რომელმაც ალექსანდრე ერქვანიასთან ერთად მოსამართლეების კანონპროექტს მხარი არ დაუჭირა.

უზენაესის მოსამართლეების არჩევის გამო ლევან კობერიძის მსგავსად სხვადასხვა დროს უმრავლესობა დატოვა ეკა ბესელიამ, ლევა გოგიჩაიშვილმა, გედევან ფოფხაძემ და ზვიად კვაჭანტირაძემ.