სააღდგომო დღესასწაულებთან დაკავშირებით, პრეზიდენტმა საქართველოს 19 მსჯავრდებული შეიწყალა, აქედან 2 ქალბატონი. ისინი დაწესებულებებს დღესვე დატოვებენ. ამის შესახებ ჟურნალისტებს საქართველოს პრეზიდენტის ადმინისტრაციის ხელმძღვანელმა, ლაშა ჟვანიამ განუცხადა.

გარდა ამისა, პრეზიდენტმა შეიწყალა 23 პირობითი მსჯავრდებული, აქედან 2 ქალი. 21 პირობითი მსჯავრდებული სრულად გათავისუფლდა პირობითად ჩათვლილი თავისუფლების აღკვეთის შემდგომი მოხდისგან, მათ შორის, 3 პირობითი მსჯავრდებული შეწყალებული იქნა ასევე თანამდებობის დაკავებისა და საქმიანობის უფლების ჩამორთმევისგან, ხოლო 2 მსჯავრდებულს შეუმცირდა პირობითი მსჯავრის მოსახდელი ვადა.