შრი-ლანკაში ტერაქტზე პასუხისმგებლობა ექსტრემისტულმა დაჯგუფებამ, ისლამურმა სახელმწიფომ აიღო. როგორც ISIS აცხადებს, მათ მიზანი იყვნენ ქრისტიანები და იმ ქვეყნის მოქალაქეები, რომლებიც დაჯგუფებასთან ბრძოლის კოალიციაში შედიან.

ტერაქტის შედეგად შრი-ლანკაში 320-ზე მეტი ადამიანი გარდაიცვალა, ხოლო 500-მა დაზიანება მიიღო. მანამდე მედიაში გავრცელდა ინფორმაცია, რომ თავდასხმების უკან ადგილობრივი ექსტრემისტული დაჯგუფება დგას. გარდა ამისა, ხელისუფლება ვარაუდობს, რომ ტერაქტი იყო შურისძიება ახალი ზელანდიის მეჩეთებზე თავდასხმისთვის, რა დროსაც 50 ადამიანი დაიღუპა.

21 აპრილს, როდესაც კათოლიკური სამყარო აღდგომას აღნიშნავდა შრი-ლანკის ქალაქებში ერთდროულად რამდენიმე აფეთქება მოხდა. დილით სამი აფეთქება მოხდა ქალაქ კოლომბოს სამ სასტუმროში. სააღდგომო წირვის დროს აფეთქებები მოხდა სამ ეკლესიაშიც. მოგვიანებით კი ქალაქ კოლომბოში კიდევ ორი აფეთქება იყო. დაღუპულებს შორის არიან როგორც ადგილობრივები, ისე მინიმუმ 35 ქვეყნის წარმომადგენლები.