ფოტოგრაფმა ჰომოფობიის სულისშემძვრელი ისტორია შთამბეჭდავი ფოტოებით გადმოსცა

ქამინგ-აუთი მარტივი პროცესი არ არის, განსაკუთრებით მაშინ, როდესაც სოციუმიდან წამოსული ზეწოლა და ოჯახური ღირებულებები ადამიანში ნერგავს შიშს და აიძულებს დამალოს საკუთარი იდენტობა, საკუთარი სექსუალური ორიენტაცია.

იმ დროში, როცა ა.შ.შ-ის ორმოცდაათივე შტატში ერთნაირსქესიანთა ქორწინება კანონით ნებადართულია, რთულია გაუგო ისეთ ქვეყნებს სადაც არათუ ქორწინება, არამედ ჰომოსექსუალობაც კი აკრძალულია.

დასავლური ქვეყნებისგან განსხვავებით, რომლებმაც მეტ-ნაკლებად პროგრესული ნაბიჯები გადადგეს უმცირესობებისა და განსხვავებული ორიენტაციის მქონე ადამიანების უფლებების კუთხით, აღმოსავლეთის ქვეყნები კატეგირიულად ეწინააღმდეგებიან მსგავს პროგრესს. მაგალითად ინდოეთში, ჰომოსექსუალობა აკრძალულია.

გამომდინარე აქედან, საზოგადოების დამოკიდებულების გამო, ძალიან ბევრი ადამიანი ამჯობინებს საკუთარი იდენტობის დამალვას, რათა თავიდან აიცილოდ ზეწოლა და ჩაგვრა.

ინდური სისხლის სამართლის კოდექსის 377-ე მუხლი, რომელიც ერთნაირსქესიანთა ურთიერთობის კრიმინალიზაციას ახდენს, უზენაესი სასამართლოს მიერ გადახედილი იქნა, თუმცა არანაირი ცვლილება არ შეუტანიათ, ყოველშემთხვევაში, ჯერჯერობით მაინც.

აი, რას ამბობს კანონი:

მათ, ვისაც ნებაყოფლობით აქვთ ბუნების საწინააღმდეგო ურთიერთობა კაცთან, ქალთან ან ცხოველთან, ემუქრებათ თავისუფლების სამუდამოდ აღკვეთა, ან კანონით გათვალისწინებული სხვა სასჯელი, რომელიც შესაძლოა 10 წლიან პატიმრობას ნიშნავდეს. გარდა ამისა, კანონდამრღვევს დაეკისრება ჯარიმა.

არსებული რეალობის გასაკრიტიკებლად ფოტოგრაფმა არჯუნ კამათმა შექმნა 30 ფოტო-ისტორია შექმნა, რომელსაც ქამინგ აუთი დაარქვა. ეს ისტორია აღწერს აკრძალული სიყვარულით ორი ქალისთვის მიყენებულ ტკივილს.

„ეს თავისუფალი სამყაროა“ - ასე იწყება ისტორია. ფოტოებში გადმოცემულია ორი ქალის ბედნიერების ამბავი, რომლებიც ახლადაღმოჩენილ, თავისუფალ სამყაროში (რომელსაც პირობითად მიტოვებული ტყე აღნიშნავს) ერთმანეთის სიყვარულით და თავისუფლებით ტკბებიან. ბედნიერება გრძელდება მანამ, სანამ ერთმანეთზე შეყვარებული მაიტრანა და ალფანა არ აღმოაჩენენ, რომ მათი სიყვარული აკრძალულია და აქ, ამ სივრცეში, ბედნიერების უფლება მხოლოდ კაცისა და ქალის სიყვარულს აქვს. მათ შეიპყრობენ და დააბრუნებენ იმ ჩაკეტილ სივრცეში, საიდან სულ ცოტა ხნის წინ გამოაღწიეს.

ბოლო ამბები:

გირჩევთ