საფრანგეთის შინაგან საქმეთა მინისტრის მოადგილის ცნობით, ის არ არის დარწმუნებული, რომ პარიზის ღვთისმშობლის ტაძარი გადარჩება. ამის შესახებ AFP-მ დაწერა.

შს მინისტრის მოადგილის მსგავსად სამაშველო სამსახურის წარმომადგენლებმა განაცხადებს, რომ არ არიან დარწმუნებულები, თუ შეძლებენ ცეცხლის ჩაქრობას.

პარიზის კრიზისების მართვის სააგენტოში როიტერს უთხრეს, რომ მომდევნო საათნახევარი გადამწყვეტია, რათა ნახონ შესაძლებელია თუ არა ცეცხლის გაკონტროლება. ადგილზე ასობით მეხანძრე მუშაობს. ისინი აცხადებენ, რომ ცეცხლის ჩასაქრობად ყველაფერს აკეთებენ.

"ყველა საშუალება გამოვიყენეთ, გარდა წყლის საჰაერო ჭავლისა, რადგან ეს მოქმედება ეკლესიის მთელ სტრუქტურის ჩამონგრევას გამოიწვევს", — დაწერა პარიზის კრიზისების მართვის სააგენტომ ფეისბუქზე.

ამ დრომდე უცნობია, რა გახდა ხანძრის გაჩენის მიზეზი. BBC წერს, რომ ეს შესაძლოა ეკლესიაში მიმდინარე სარესტავრაციო სამუშაოებს უკავშირდებოდეს. ოფიციალური უწყებების წარმომადგენლები აცხადებენ, რომ ზარალი ძალიან დიდია, თუმცა ცეცხლი იმ ადგილებში არ გავრცელებულა, სადაც რელიქვიებია დაცული. სრულად ჩაინგრა ტაძრის სახურავი და სვეტები. ხანძარი თბილისის დროით 20:50-ზე გაჩნდა.