ტელეკომპანია პირველში, ინგა გრიგოლიას გადაცემაში სტუმრობისას, პარტიის სახელმწიფო ხალხისთვის ლიდერმა პაატა ბურჭულაძემ განაცხადა, რომ გამოძიებას მისი და გვარამიას ჩანაწერთან დაკავშირებით იმის მეტი არაფერი უკითხავს, რაც უკვე საჯაროდ თქვა.

ბურჭულაძის თქმით, ამ საუბრის ჩანაწერმა მისი პარტიის რეიტინგი გაზარდა, თუმცა ამ საქმესთან დაკავშირებით მას ობიექტური გამოძიების იმედი არ აქვს:

"მე მინდა დავამატო ის, რომ სანამ თვითონ ის ადამიანი იძიებს საქმეს, ვინც დამნაშავეა, არასდროს იქნება ის გამოძიებული. როგორ შეიძლება ადამიანმა თავისი თავი დაასახელოს".