ქართული ოცნების მხარდამჭერი მომღერლები ნინი ქარსელაძე და მარიკა თხელიძე ფილარმონიაში მოძრაობა დაიცავი საქართველოს პრეზენტაციას ესწრებიან. შეხვედრაზე მისულმა მომღერლებმა განაცხადეს, რომ პოზიციები მოისმინეს და აზრი არ შეუცვლიათ, ისევ ქართული ოცნების მხარდამჭერებად რჩებიან.

"ბევრმა ადამიანმა დამირეკა. მოვედი, მოვისმინე ამ ადამიანების პოზიციები...ვარ ქართული ოცნების მხარდამერი და ბატონი ბიძინა ივანიშვილის და ამ პოზიციებს არ შევიცვლი, ამაში კიდევ ერთხელ დავრწუნდი", — განუცხადა ქარსელაძემ On.ge-ს

მისი თქმით, ქვეყანაში ბევრ პრობლემას ხედავს, მაგრამ დარწმუნებულია იმაში, რომ ამ პრობლემებისა და გამოწვევების დაძლევა შესაძლებელი იქნება "მხოლოდ და მხოლოდ ქართული ოცნების ხელისუფლებაში ყოფნით".

მარიკა თხელიძემ აღნიშნა, რომ იმავე აზრზეა: "როგორც რიგითი მოქალაქე, მოვსმინე მათი პოზიციები და მიუხედადავ ყველაფრისა, ვრჩები ქართული ოცნების მხარდაჭერად", — უთხრა თხელიძემ On.ge-ს

მარიკა თხელიძე და ნინი ქარსელაძე აქტიურად იყვნენ ჩართული მმართველი პარტიის მხარდაჭერილი კანდიდატის, სალომე ზურაბიშვილის საპრეზიდენტო კამპანიაში. ისინი სარეკლამო კლიპებსა და მხარდამჭერ კონცერტებში მონაწილეობდნენ და იყვნენ მოძრაობა #არამიშას წევრები.

მოძრაობა დაიცავი საქართველოს პრეზენტაციას ქართული ოცნების სხვა მხარდამჭერი მომღერლებიც ესწრებოდნენ. მათ შორისაა დათო ხუჯაძე და ძმები გაჩეჩილაძეები, რომლებიც ასევე იყვნენ ჩართული წინასაარჩევნო კამპანიაში.

მოძრაობა დაიცავი საქართველოს სათავეში ქართული ოცნების ყოფილი მხარდამჭერი, დავით მაღრაძე უდგას. მაღრაძის განცხადებით, მოძრაობა სახალხო ფრონტის იდეაზეა დაარსებული.