ავტობანზე ბენზინმზიდი გზის სავალი ნაწილიდან გადავიდა და ცეცხლი გაუჩნდა. შემთხვევის შედეგად მძღოლი ადგილზე გარდაიცვალა. ამის შესახებ ინფორმაცია On.ge-ს შინაგან საქმეთა სამინისტროში დაუდასტურეს.

გამოძიება სისხლის სამართლის კოდექსის 276- ე მუხლის მე-6 ნაწილით დაიწყო. ეს მუხლი გულისხმობს ტრანსპორტის მოძრაობის უსაფრთხოების ან ექსპლუატაციის წესების დარღვევას, რამაც გარდაცვალება გამოიწვია.

ადგილზე მუშაობდა 6 სახანძრო-სამაშველო ჯგუფი, ხანძარი ლიკვიდირებულია და ავტობანზეც უკვე შეფერხების გარეშე მოძრაობს ტრანსპორტი.