რამდენიმე კვირის წინ, The New Yorker-ში გამოქვეყნებულ ოპ-ედში GOT-ის ვარსკვლავმა პირველად ისაუბრა, რომ 2011 წელს თავის ტვინზე ურთულესი ოპერაცია გაიკეთა. მსახიობს ანევრიზმები ამოაჭრეს.

"ვხვდებოდი რომ რაღაც მჭირდა. მავიწყდებოდა ტექსტები, ხანდახან ადამიანების სახელებიც კი. მაშინ გადავწყვიტე, რომ ექიმთან აუცილებლად უნდა მივსულიყავი", - წერდა ემილია.

მსახიობი იხსენებდა იმასაც, რომ ხშირად მხედველობასთან დაკავშირებული პრობლემებიც ჰქონდა.

"24 წლის ვიყავი, მეგონა ჩემი ცხოვრება დამთავრდა. პირველი ოპერაციის შემდეგ მეგონა, რომ ყველაფერი დასრულდა, თუმცა აღმოჩნდა, რომ დასასრულამდე ჯერ კიდევ დიდი დრო იყო დარჩენილი. გულწრფელი რომ ვიყო, ყოველი დღე საშინელება იყო. სულ ველოდებოდი, რომ მოვკვდებოდი", - ყვება ემილია.

როგორც დეინერის ტარგარიენის როლის შემსრულებელი ამბობს, მისი მდგომარეობა ბოლოს იმდენად გართულდა, რომ 2013 წელს გადაუდებელი ოპერაცია ჩაუტარეს და თავის ტვინიდან კიდევ ერთი ანევრიზმა ამოაჭრეს. მსახიობის თქმით, გამოჯანმრთელების პროცესი ძალიან რთული აღმოჩნდა.

ცოტა ხნის წინ კი ემილიამ თავის ტვინზე ჩატარებული ურთულესი ოპერაციების შემდეგ გადაღებული ფოტოები გაავრცელა:

ამავე თემაზე: