ლატვიის დედაქალაქის, რიგის მერი ნილ უშაკოვი კორუფციული სკანდალის გამო თანამდებობიდან გაათავისუფლეს. უშაკოვი მუნიციპალური სატრანსპორტო კომპანიის სახსრების არამიზნობრივად ხარჯვასა და შესყიდვების არგაკონტროლებაში სდებენ ბრალს.

ნილ უშაკოვი რიგის მერი 2009 წელს გახდა, ხოლო 2017 წელს გადაირჩიეს. ის ლატვიის რეგიონული განვითარებისა და გარემოს დაცვის მინისტრმა გადააყენა. უშაკოვი ამ გადაწყვეტილებას პოლიტიკურს უწოდებს.

მიმდინარე წლის თებერვალში რიგის საკრებულომ ოპოზიციის მოთხოვნას უშაკოვი გაეთავისუფლებინათ არ დააკმაყოფილა. ოპოზიცია მერის გადაყენებას მის სახლსა და კაბინეტში ჩხრეკის გამო ითხოვდა. საეჭვო გარიგებების საერთო თანხა 270 მილიონ ევროს აღწევს, რაც ქალაქის ბიუჯეტის მეოთხედია. თვითონ უშაკოვს კორუფციაში ბრალს არ სდებენ და მერის მოვალეობის არასათანადო შესრულებაში სდებენ ბრალს.