ბრაზილიის სატელევიზიო სერიალების ერთ-ერთი ვარსკვლავი დომინგოს მონტაგნერი მდინარეში დაიხრჩო, ადგილზე, სადაც გადამღები ჯგუფი ბრაზილიის ყველაზე პოპულარულ საპნის ოპერას იღებდა. ინფორმაციას BBC ავრცელებს.

მონტაგნერი სერიალში Velho Chico მთავარ როლს ასრულებდა, მისი სიკვდილის შემდეგ სერიალს სახელი გადაერქვა და იმ მდინარის სახელი, საო ფრანცისკო, დაერქვა, რომელშიც მსახიობი დაიხრჩო.

54 წლის მონტაგნერი გადაღების დღის ბოლოს პარტნიორ მსახიობ ქალთან ერთად საცურაოდ გავიდა. მსახიობმა კამილა პიტანგამ თქვა, რომ მონტაგნერი მდინარის ძლიერმა დინებამ გაიტაცა. მსახიობმა დასძინა, რომ ადგილობრივებს დასახმარებლად უხმობდა, თუმცა მათ მისვლა დააგვიანეს, რადგან ეგონათ რომ მისი დახრჩობის სცენა დადგმული და სერიალის ნაწილი იყო.

ოფიციალური პირების თქმით, მოსახლეობა დახმარების გაწევას მცდელობის მიუხედავად მაინც ვერ შეძლებდა.

აღნიშნულ სერიალში, მონტაგნერი ფერმერის როლს ასრულებდა, რომელშიც ის ხშირად ებრძოდა ადგილობრივ შეიარაღებულებს. სერიალში მას რამდენჯერმე ესროლეს, ერთხელ იმავე მდინარეში დაიხრჩო კიდეც, თუმცა რამდენიმე კვირის შემდეგ ცოცხალი აღმოჩნდა.