კომიკოსმა და NBC-ის ღამის შოუს წამყვანმა ჯიმი ფელონმა მის გადაცემაში სტუმრად მისულ დონალდ ტრამპს თმების აჩეჩვის ნებართვა სთხოვა:

"დონალდ, რაღაც მინდა გთხოვო, იმიტომ რომ ჩვენი შემდეგი შეხვედრისას შენ შეიძლება ამერიკის პრეზიდენტი იყო, ჰოდა, მაინტერესებს თუ შეიძლება, ვიდრე ორივე ჩვენგანი ჩვეულებრივი სამოქალაქო პირია, რამე არაპრეზიდენტული გავაკეთოთ", უთხრა ფელონმა ტრამპს.

აშშ-ს პრეზიდენტობის კანდიდატი წამყვანის თხოვნას დათანხმდა და მას თმების აჩეჩვის უფლება მისცა.

აქვე უნდა აღნიშნოს, რომ მაყურებელთა ნაწილი ჯიმი ფელონს გაუბრაზდა, რადგან წამყვანმა თავისი გადაცემის ფორმატს არ გადაუხვია და პოლიტიკოსთან მხიარული საუბარი ჰქონდა და პოლიტიკას მხოლოდ სასაცილო ისტორიების კუთხით შეეხო. მაყურებელთა გარკვეული ნაწილი მისგან ტრამპის "მიჭირხვნას" ითხოვდა.