შრომის უსაფრთხოების მოთხოვნით შეკრებილები დღეს ჭავჭავაძეზე მიმდინარე აქციას წყვეტენ და აცხადებენ, რომ სამუშაო ფორმატში გადავლენ. ამის შესახებ მათ რამდენიმე წუთის წინ განაცხადეს.

მათი განმარტებით, დაიწყება სამოქალაქო მოძრაობა, რომელიც იბრძოლებს შრომის უფლებების დასაცავად. სოლიდარობის ქსელის წარმომადგენელის განმარტებით ისინი შეხვდებიან ყველა დაინტერესებულ მხარეს და ჩაგრულ ჯგუფს. კონკრეტული გეგმის შესახებ უახლოეს დღეებში გახდება ცნობილი.

თბილისში აქცია მას შემდეგ დაიგეგმა, რაც გუშინ 31 მარტს მშენებლობის დროს კიდევ ორი მუშა გარდაიცვალა. აქცია დაახლოებით ხუთი საათის წინ დაიწყო და ამ დრომდე გრძელდებოდა.