შინაგან საქმეთა სამინისტრომ უმრავლესობის წევრის, გია ვოლსკის აგარაკის გაქურდვაზე გამოძიება მას შემდეგ დაიწყო, რაც ინფორმაცია მედიაში გავრცელდა. თავად დეპუტატს სამართალდამცველებისთვის არ მიუმართავს.

საქმეზე გამოძიება სისხლის სამართლის კოდექსის 177-ე მუხლის მესამე ნაწილის "გ" ქვეპუნქტით დაიწყო. ამ მუხლით ქურდობა ბინაში უკანონო შეღწევით ისჯება ოთხიდან შვიდ წლამდე ვადით.

ქართულ ოცნებაში On.ge-ს უთხრეს, რომ ვოლსკი აგარაკში არ ცხოვრობს. მათივე თქმით, დეპუტატს ახსოვს, რომ სახლში "სამუშაო იარაღები ჰქონდა და აღარ დახვდა".