24 წლის როზი ხანს არაფერი ჰქონდა გაგონილი HBO-ს სამეფო კარის თამაშების შესახებ მანამ, სანამ ხალხმა მასთან ფოტოს გადაღების თხოვნით მისვლა არ დაიწყო.

პაკისტანელმა მიმტანმა მალევე აღმოაჩინა, რომ ხალხი მას პიტერ დინკლიჯის პოპულარულ პერსონაჟ, ტირიონ ლანისტერს ამსგავსებს და ამან მისი მთელი ცხოვრება შეცვალა.

"მგონი ძალიან პოპულარული ვარ. ყველა, ვინც რესტორანში შემოდის ჩემკენ იშვერს ხელს, შემდეგ კი სურათის გადაღებას მთხოვს", - ამბობს როზი.

სწორედ ტირიონ ლანისტერთან ასეთი მსგავსება გახდა მიზეზი, რის გამოც რესტორნის კლიენტთა რიცხვი სულ უფრო იზრდება.

"როდესაც ის დავინახე, ძალიან ბედნიერი გავხდი. ისეთი შეგრძნება მქონდა, თითქოს ნამდვილ ლანისტერს შევხვდი", - ამბობს ერთ-ერთი კლიენტი.

ასეთი მსგავსების შემდეგ, როზი ხანმა გადაწყვიტა სერიალისა და პიტერის შესახებ ყველაფერი გაეგო.

"ძალიან მინდა მას შევხვდე. ძალიან მიყვარს და ვფიქრობ დავმეგობრდებით", - ამბობს ხანი.