ტაქსის მანათობლები, რომელსაც მერია თეთრად შეღებილი ტაქსის მძღოლს გადასცემს, ჯამში 353 850 ლარი ჯდება. როგორც მერიის პრესსამსახურში On.ge-ს განუცხადეს, ხარჯი მერიაში ტაქსების ლიცენზიების მოსაკრებლით შესული თანხით დაიფარება.

როგორც სატენდერო დოკუმენტიდან ირკვევა, სულ 15 ათასი მანათობლის დამზადება იგეგმება. ერთი მანათობლის ფასი საშუალოდ 23,5 ლარია.

კახა კალაძემ დღეს, 27 მარტს თბილისის მთავრობის სხდომაზე წარმოადგინა მანათობლის ნიმუში. როგორც მერმა აღნიშნა, ტენდერში კომპანია აი-თი-ჯიმ გაიმარჯვა.