ქვემო ქართლის ტელე-რადიოკომპანია TV4-მა პროტესტის ნიშნად მაუწყებლობა დროებით შეწყვიტა. როგორც არხის გენერალური დირექტორი, გიორგი მგალობლიშვილი ამბობს, სამთავრობო ჯგუფები სარედაქციო პოლიტიკაში ჩარევას ცდილობენ.

"ადრეც ყოფილა ზეწოლა, უფრო ადრეც, ყველა მთავრობის დროს იყო, თუმცა ასეთ ეტაპამდე არ მივსულვართ, სამწუხაროდ. არის მცდელობები სარედაქციო პოლიტიკაში ჩარევის. არის სამთავრობო ჯგუფები, ამიტომ გამოვთქვით პროტესტი შავი ფონით", — უთხრა მგალობლიშვილმა რუსთავი 2-ს.

მისივე თქმით, მაუწყებელი მუშაობას რამდენიმე დღეში განაახლებს და განმარტებას მაშინ გააკეთებენ.