სამსახურებრივი უფლებამოსილების ძალადობით გადამეტებისა და დემურ სტურუას თვითმკვლელობამდე მიყვანაში ბრალდებულის, გოდერძი თევზაძის ადვოკატი, ლედი ტუკვაძე ამბობს, რომ ექსპერტიზის დასკვნის შემდეგ შესაძლოა გამოძიების მიმართულება შეიცვალოს. ის არ გამორიცხავს, რომ დემურ სტურუამ თავი მოიკლა:

"მთელ საზოგადოებას დავუმკიცებთ და სრულყოფილად მივცემთ ინფორმაციას, რომ არანაირ წამებას, არანაირ ფიზიკურ ზემოქმედებას არ აქვს ადგილი და მთავარია, ძალიან მნიშვნელოვანი კითხვა, რომელიც უკვე ჩვენ გაგვიჩნდა, რომ ეს შესაძლებელია არ იყოს თვითმკვლელობა და შესაძლებელია ადგილი ჰქონდეს მკვლელობას. სიკვდილის დადგომის დრო იქნება ის დრო, რომელიც ბევრ კითხვას გააჩენს საზოგადოებაში".

22 წლის დემურ სტურუამ 7 აგვისტოს სამტრედიის რაიონში თავი მოიკლა. გარდაცვლილმა დატოვა წერილი, რომელშიც წერია რომ მასზე ერთ-ერთი პოლიციელი ზეწოლას ახორციელებდა.

სამსახურებრივი უფლებამოსილების ძალადობით გადამეტებისა და თვითმკვლელობამდე მიყვანის ჩადენაში ბრალდებული, ძებნაში მყოფი გოდერძი თევზაძე კი, 13 სექტემბერს ნებაყოფლობით გამოცხადდა საგამოძიებო ორგანოში.