თუ ხართ 18-დან - 25 წლამდე და თვლით, რომ შეგიძლიათ წერა, მაშინ ეს ნამდვილად სათქვენო ამბავია. „საინფორმაციო ბანკი - საქართველოს ახალგაზრდობის“ ორგანიზებითა და სსიპ. ბავშვთა და ახალგაზრდობის ფონდის მხარდაჭერით საქართველოს მასშტაბით ლიტერატურული კონკურსი „ალერდი 2016“ იწყება.

მნიშვნობა არ აქვს რამდენი ხნის წინ დაიწყეთ თქვენი აზრების, ფანტაზიისა და საინტერესო ამბების ფურცელზე გადმოტანა, მთავარია, რომ ლიტერატურული კონკურსისთვის შექმნილი პროზაული ნაწარმოები ახალგაზრდულ თემატიკას მოარგოთ და ის 19 სექტემბრიდან 14 ოქტომბრის ჩათვლით გაგზავნოთ მისამართზე - [email protected]

პროექტში მონაწილეობის დროს თქვენი ვინაობა, რა თქმა უნდა, ანონიმური იქნება და საბოლოოდ თქვენს ბედს კომპეტენტური ჟიური გადაწყვეტს, რომელიც ასევე ანონიმურია და მათი ვინაობა ცნობილი მხოლოდ დაჯილდოების ცერემონიაზე გახდება.

ალერდი 2016-ში I, II და III ადგილზე გასულ მონაწილეებს გადაეცემათ სოლიდური პრიზები და ჟიურის გარდა საკუთარ ფავორიტს ხალხიც დაასახელებს. მას შემდეგ რაც თქვენი მოთხრობები Youth Georgia-ს ფეისბუქსა და ვებ გვერდზე გამოქვეყნდება, მომხმარებლებს საშუალება მიეცემა ხმა მისცეს თავის რჩეულს. ის სტუდენტს, რომელიც კონკურსის მსვლელობის დროს ყველაზე მეტ ხმას დააგროვებს, გახდება „ხალხის ფავორიტი“.

საუკეთესო 20 მოთხრობა კი წიგნად გამოიცემა.

ლიტერატურული კონკურსი „ალერდი“ უკვე მეორედ ტარდება. პირველად ის 2011 წელს ჩატარდა და მონაწილეთა რაოდენობამ 250 მიაღწია.

პირველი კონკურსის გამარჯვებულები - მარიამ ბექაური, თინა თოფურია და თინათინ მანია გახდნენ. სპეციალური პრემია სამოქალაქო თემაზე შექმნილ ნაწარმოებზე კი ნიკა აგლაძეს გადაეცა. სპეციალური პრემიის მფლობელები ასევე გახდნენ - სოსო ბიჩინაშვილი, ნიკა ლოლაძე და ირაკლი შამათავა.

ახლა კი ყველაზე მთავარი, ლიტერატურულ კონკურს „ალერდი 2016“-ში მონაწილეობის წესები:

  • კონკურსში მონაწილეობის მიღება შეეძლებათ 18 წლიდან 25 წლის ჩათვლით ახალგაზრდებს.
  • ნამუშევარი უნდა იყოს გამოგზავნილი Word-ის ფაილში, ქართულ ენაზე.
  • პროზაული ნაწარმოები ან ნაწარმოებების საერთო მოცულობა არ უნდა აღემატებოდეს 5 გვერდს (ფონტი - Sylfaen, ზომა - 12).
  • ნამუშევარს თან დაურთეთ საკონტაქტო ინფორმაცია (სახელი, გვარი, დაბადების თარიღი, ტელეფონის ნომერი).
  • თემატიკა - ახალგაზრდული.
  • ნამუშევრები გამოაგზავნეთ შემდეგ მისამართზე: [email protected]