სურსათის ეროვნული სააგენტოს ინფორმაციით, თბილისის სხვადასხვა სავაჭრო ობიექტიდან ერთ ტონამდე უვარგისი ხორცი ამოიღეს, დალუქეს და სააგენტოს ინსპექტორების ზედამხედველობით გაანადგურეს.

სააგენტოს ცნობით, ხორცის სარეალიზაციო ობიექტების შემოწმებისას რამდენიმე დარღვევა გამოავლინეს. კერძოდ, ორ ბიზნესოპერატორთან — შპს დადუსა და შპს ინაში კრიტიკული შეუსაბამობები დაფიქსირდა, შპს ნიკორადან (აღნიშნულ შპს-ს არავითარი კავშირი არ აქვს მაღაზიათა ქსელ ნიკორასთან) 240 კგ-ზე მეტი ვადაგასული ხორცი ამოიღეს, ხოლო შპს მიროში საეჭვო წარმომავლობის ხორცი აღმოაჩინეს.