ყოფილ ცოლზე ძალადობასა და ფულის გამოძალვაში ბრალდებულს სასამართლომ 3 წლით თავისუფლების აღკვეთა მიუსაჯა. პროკურატურის ინფორმაციით, ბრალდებული ყოფილ ცოლს მუდმივად აყენებდა სიტყვიერ შეურაცხყოფას და არასრულწლოვანი შვილის თანდასწრებით მასზე ფიზიკურადაც იძალადა.

გარდა ამისა, უწყების განცხადებით, ბრალდებული ქალს ძმისა და მამის სიცოცხლის მოსპობით ემუქრებოდა თუ ის 3 000 ლარს არ მისცემდა. მათი თქმით, დაზარალებულს მუქარის განხორციელების შიში გაუჩნდა და მოთხოვნილი თანხის ნაწილი 500 ლარი გადასცა.

სამართალდამცველებმა ბრალდებული 2018 წლის 14 ივნისს ქ. თბილისში დააკავეს. მას ბრალდება საქართველოს სისხლის სამართლის კოდექსის 1261 მუხლის მე-2 ნაწილის "ბ" ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია, ჩადენილი არასრულწლოვნის თანდასწრებით) და 181-ე მუხლის პირველი ნაწილით (გამოძალვა) წარედგინა და აღკვეთის ღონისძიების სახით პატიმრობა შეეფარდა.