66 ხმა 1-ის წინააღმდეგ — საქართველოს პარლამენტმა ეთიკის საბჭოს შექმნას მხარი დაუჭირა. როგორც დადგენილების პროექტშია ნათქვამი, ეთიკის საბჭოს შექმნის ვალდებულება ახალ რეგლამენტშია გაწერილი.

საბჭო ეთიკის კოდექსის აღსრულებაზე იზრუნებს. პარლამენტის წევრის ქცევა მისი სტატუსიდან გამომდინარე ეთიკის კოდექსმა უნდა დაარეგულიროს. ეს კოდექსი ასევე განსაზღვრავს წესებს, რომლებიც მან უნდა გაითვალისწინოს თავის საქმიანობაში, ასევე, კოლეგებთან, თანამშრომლებთან, მედიასთან, სხვა ინსტიტუტებთან და საზოგადოებასთან ურთიერთობისას; ასევე განსაზღვრავს პასუხისმგებლობას ეთიკის კოდექსის დარღვევის შემთხვევაში.

ეთიკის საბჭო ეთიკის კოდექსის აღსრულების მექანიზმია. ის 16 წევრისგან უნდა დაკომპლექტდეს. ეთიკის საბჭომ უნდა განიხილოს საჩივრები ეთიკის კოდექსის სავარაუდო დარღვევის შესახებ და დარღვევის დადასტურების შემთხვევაში ინფორმაცია პარლამენტის ვებგვერდზე უნდა გამოაქვეყნოს. ასევე, ამ საბჭოს ვალდებულებაა რეკომენდაციების გაცემაც.

გაიგეთ მეტი: რა ეთიკურ ნორმებს უნდა იცავდეს დეპუტატი — კანონპროექტი მოკლედ