19 მარტიდან ყველა ტიპის შეზღუდული შესაძლებლობების მქონე ბავშვების მშობლებისთვის და მეურვეებისთვის საინფორმაციო და ფსიქო-ემოციური დახმარების ცენტრი იხსნება.

მშობელთა საინფორმაციო ცენტრი ღია საზოგადოების ფონდის მხარდაჭერით იმუშავებს. მათი ინფორმაციით, ცენტრში მისულებს დაეხმარებიან ისეთი მშობლები, რომლებმაც თავად გაიარეს იგივე გზა:

"მოუმზადებელ მშობელს ორიენტაცია აქვს დაკარგული. აღარ იცის ვის მიმართოს რჩევისთვის ან შვებისთვის. რას ნიშნავს დაუნის სინდრომი, რამდენ ხანს იცოცხლებს ბავშვი, რას შეძლებს, როგორ იქნება მისი და ოჯახის მომავალი. არც ის იცის, რომ დაუნის სინდრომის მქონე ბავშვს უჩვეულო სითბო და სიყვარული შემოაქვს ოჯახში და რომ განვითარების ადრეულ ეტაპზე ჩარევას წარმატებული შედეგი აქვს".

საინფორმაციო ცენტრთან დასაკავშირებლად დარეკეთ ცხელ ხაზზე 551461555. დაუნის სინდრომის მშობელთა ასოციაციის სოციალური საწარმო ბაბალე თბილისში, ყაზბეგის 30ა-ში მდებარეობს.