საქართველოს პრემიერ-მინისტრის, მამუკა ბახტაძის ინფორმაციით, არაბთა გაერთიანებულ საემიროებსა და ვიეტნამში საქართველოს საელჩები გაიხსნება. ამის შესახებ პრემიერმა მთავრობის სხდომის დაწყებამდე გამართულ ბრიფინგზე ისაუბრა.

"ჩვენ ვხედავთ განსაკუთრებულ პოტენციალს ყურის ქვეყნებთან თანამშრომლობაში, ისევე, როგორც აზიის ქვეყნებთან, რომელთა ეკონომიკაც იზრდება ყველაზე სწრაფი ტემპებით", — თქვა პრემიერმა.

მისივე თქმით, მთავრობის ერთ-ერთი პრიორიტეტია, რომ გლობალურ ეკონომიკაში საქართველოს უფრო ეფექტური ინტეგრაცია მოხდეს.