შინაგან საქმეთა სამინისტროს ინფორმაციით, თბილისში დააკავეს არასრულწლოვანი, რომელაც ქუჩაში მოქალაქეს ტელეფონი გასტაცა. უწყების ცნობით, ბრალდებულმა გამოკითხვისას იმავე დღეს ჩადენილი ძარცვის კიდევ ორი ფაქტი აღიარა.

საქმეზე გამოძიება სისხლის სამართლის კოდექსის 178-ე მუხლის მე-2 ნაწილის "ა" ქვეპუნქტით მიმდინარეობს, რაც ძარცვას გულისხმობს. დანაშაული 4-დან 6 წლამდე პატიმრობას ითვალისწინებს.