პაატა ბურჭულაძე ტელეკომპანია პირველის ეთერში ექსპრემიერ ბიძინა ივანიშვილის ბრალდებას გამოეხმაურა, რომლის მიხედვითაც, თითქოს მან ივანიშვილს მხარდაჭერის სანაცვლოდ დიდი რაოდენობით თანხა მოსთხოვა:

"გულახდილად რომ გითხრათ, მე მაინტერესებს რა თანხაზე იყო ლაპარაკი. ნუთუ ისეთი მოვთხოვე, რომ მას ძალიან გაუჭირდა ჩემთვის ფულის მოცემა? რა უნდა მომეთხოვა მე ისეთი, ალბათ როგორც მეფეებს თხოვენ ნახევარი სამეფო მომეცი მეთქი, 3,5 მილიარდი. რა მოვთხოვე ისეთი, რომ მაგას გაუჭირდა?"

ბიძინა ივანიშვილმა პაატა ბურჭულაძესთან პარტნიორობის მცდელობაზე ტელეკომპანია GDS-ის ეთერში, იმერეთის რეგიონის ჟურნალისტებთან შეხვედრისას განაცხადა:

"მე სამი წელია ეს კაცი არ მინახავს. ნაწყენი ვიყავი იმიტომ, რომ თავის დროზე როცა ვთხოვე გვერდით დაგვიდექი, უამრავი ფული მოითხოვა და შეურაცხყოფილი იყო, უარი ვუთხარი. ამის შემდეგ 3 წლის განმავლობაში 60 წლისთავი სამჯერ გადაიხადა და არც ერთჯერ არ მივსულვარ."