რუსეთის სახელმწიფო დუმამ მესამე მოსმენით მიიღო კანონპროექტი, რომლითაც ინტერნეტში ყალბი ამბები იკრძალება და მარეგულირებეს მისი დაბლოკვა შეუძლია. კანონპროექტს მხარი 322-მა დეპუტატმა დაუჭირა მხარი, წინააღმდეგი 78 იყო. აღნიშნული კანონი ტელევიზიას, რადიოსა და ბეჭდურ მედიას არ ეხება.

კრიტიკის შემდეგ მესამე მოსმენისთვის პროექტში შესწორება შეიტანეს და "შეცდომის უფლება" დაამატეს. ყალბი ამბის აღმოჩენისთანავე როსკომნადზორი უფლებას მისცემს გამოცემას ან "შეცდომა გამოასწოროს" და ყალბი ამბავი წაშალოს, წინააღმდეგ შემთხვევაში ფედერალური ორგანო მათ თვითონ დაბლოკავს. სხვა საიტები და ანგარიშები მაშინვე დაიბლოკება.

ანალოგიური შესწორებები შევიდა კანონპროექტში, რომელიც ინტერნეტში სახელმწიფო ორგანოების, სიმბოლოებისა და საზოგადოების შეურაცხყოფას კრძალავს. ამავე დროს, მსგავსი ტიპის შეურაცხყოფა წვრილმან ხულიგნობას გაუთანაბრდა. ამ კანონპროექტს მხარი 327-მა დეპუტატმა დაუჭირა, ხო წინააღმდეგი 40 იყო.

დუმის მიერ მიღებულ კანონპროექტებს ფედერაციის საბჭოში 13 მარტს განიხილავენ. დოკუმენტის მხარდაჭერის შემთხვევაში, ის ხელმოსაწერად პრეზიდენტს გადაეცემა.